15 May 2021 Current Affairs Question Answers || Daily Current Affairs 2021 15-05-2021 ರ ಪ್ರಮುಖ ಪ್ರಚಲಿತ ವಿದ್ಯಮಾನಗಳು

  15-05-2021 ರ ಪ್ರಮುಖ ಪ್ರಚಲಿತ ವಿದ್ಯಮಾನಗಳು

ಇಂದು 15 ಮೇ ಅಂತಾರಾಷ್ಟ್ರೀಯ ಕುಟುಂಬ ದಿನ

• ಆರೋಗ್ಯ ಮತ್ತು ನೆಮ್ಮದಿಯ ಜೀವನಕ್ಕೆ ಕೌಟುಂಬಿಕ ನೆಮ್ಮದಿಯೂ ಅಗತ್ಯ. ಮನೆಯಲ್ಲಿ ಯಾವುದೇ ಒತ್ತಡ ಇಲ್ಲದೇ ಉತ್ತಮ ಸಂಬಂಧಗಳಿದ್ದರೆ ಬದುಕು ಚಂದ ಎಂದು ಹೇಳಲಾಗುತ್ತದೆ.
• ವಿಶ್ವಸಂಸ್ಥೆಯ ಸಾಮಾನ್ಯ ಸಭೆ 1993 ರಲ್ಲಿ (ಎ)ಆರ್‍ಇಎಸ್/47/237 ರ ಅನ್ವಯ ಈ ದಿನಾಚರಣೆಯನ್ನು ಘೋಷಸಿತು.
• ಮನುಕುಲಕ್ಕೆ ಕುಟುಂಬದ ಪ್ರಾಮುಖ್ಯತೆಯನ್ನು ತಿಳಿಸುವ ನಿಟ್ಟಿನಲ್ಲಿ ಈ ದಿನವನ್ನು ಆಚರಣೆ ಮಾಡಲಾಗುತ್ತದೆ.
• ಮನೆಯೇ ಮೊದಲ ಪಾಠಶಾಲೆ ಎನ್ನುವಂತೆ ಕುಟುಂಬದಲ್ಲಿ ಮಗುವುಇಗೆ ದೊರೆತ ಸಂಸ್ಕಾರ ಮತ್ತು ಸಂಸ್ಕøತಿಯು ಆ ಮಗುವಿನ ಭವಿಷ್ಯವನ್ನು ನಿರ್ಧರಿಸಲಬಲ್ಲದು ಆದ್ದರಿಂದ ಬೆಳವಣಿಗೆಯಲ್ಲಿ ಕುಟುಂಬದ ಪಾತ್ರವು ಹಿರಿದಾಗಿದೆ.
• 2021 ರ ಅಂತಾರಾಷ್ಟ್ರೀಯ ಕುಟುಂಬ ದಿನಾಚರಣೆಯ ಥೀಮ್ : “Families and New Technologies”

ರಷ್ಯಾದ ಕೋವಿಡ್ ವ್ಯಾಕ್ಸಿನ್ ‘ಸ್ಪುಟ್ನಿಕ್-ವಿ’ ಗೆ 995 ರೂ.

• ಭಾರತದಲ್ಲಿ ಕೋವಿಡ-19 ಅಬ್ಬರ ಹೆಚ್ಚುತ್ತಲೇ ಇದೆ. ಈ ನಿಟ್ಟಿನಲ್ಲಿ ಭಾರತವು ಹಲವಾರು ಲಸಿಕೆಗಳ ಮೊರೆ ಹೋಗಿದ್ದು ಅವುಗಳಲ್ಲಿ ರಷ್ಯಾದ ‘ಸ್ಪುಟ್ನಿಕ್-ವಿ’ ಲಸಿಕೆಯೂ ಒಂದು.
• ರಷ್ಯಾದ ‘ಸ್ಪುಟ್ನಿಕ್-ವಿ’ ಲಸಿಕೆಯನ್ನು ಭಾರತದಲ್ಲಿ ಉತ್ಪಾದಿಸುವ ಹೊಣೆಯನ್ನು ಹೈದರಬಾದ್ ಮೂಲದ ಡಾ. ರೆಡ್ಡೀಸ್ ಲ್ಯಾಬೋರೇಟರಿಸ್ ಸಂಸ್ಥೆ ಹೊತ್ತುಕೊಂಡಿದೆ.
• ರಷ್ಯಾದ ‘ಸ್ಪುಟ್ನಿಕ್-ವಿ’ ಲಸಿಕೆಯು ಜೂನ್ ತಿಂಗಳಲ್ಲಿ ಬಳಕೆಗೆ ಲಭ್ಯವಾಗಲಿದೆ ಎಂದು ಬಲ್ಲ ಮೂಲಗಳು ತಿಳಿಸಿವೆ.
• ದಿನಾಂಕ:14-05-2021 ರಂದು ‘ಸ್ಪುಟ್ನಿಕ್-ವಿ’ ಲಸಿಕೆಯನ್ನು ಹೈದರಾಬಾದ್‍ನಲ್ಲಿ ಫಲಾನುಭವಿಯೊಬ್ಬರಿಗೆ ಯಶಸ್ವಿಯಾಗಿ ನೀಡಲಾಗಿದೆ.
• ಕೆಲದಿನಗಳ ಹಿಂದೆ ಭಾರತೀಯ ಔಷಧ ನಿಯಂತ್ರಣ ಮಂಡಳಿ (ಡಿಸಿಜಿಐ) ತುರ್ತು ಸಂದರ್ಭಗಳಲ್ಲಿ ರಷ್ಯಾದ ಲಸಿಕೆ ಸ್ಪುಟ್ನಿಕ್-ವಿ ಯನ್ನು ಬಳಸಲು ಅನುಮತಿ ನೀಡಿದ್ದನ್ನು ಇಲ್ಲಿ ಸ್ಮರಿಸಬಹುದು.
• ಭಾರತದಲ್ಲಿರುವ ಕೋವಿಡ್-19 ಲಸಿಕೆಗಲಾದ ಕೋವ್ಯಾಕಸಿನ್ ಮತ್ತು ಕೋವಿಶೀಲ್ಡ್ ಲಸಿಕೆಗಳನ್ನು ಎರಡು ಬಾರಿ ಪಡೆಯಬೇಕಾಗಿತ್ತು. ಆದರೆ ಸ್ಪುಟ್ನಿಕ್-ವಿ ಲಸಿಕೆಯನ್ನು ಒಂದು ಬಾರಿ ಪಡೆದರೆ ಸಾಕು.

ಸ್ಪುಟ್ನಿಕ್-ವಿ ಲಸಿಕೆಯ ಕುರಿತು

• ಕೋವಿಡ್-19 ವಿರುದ್ಧ ಹೋರಾಡಲು ರಷ್ಯಾ ಅಭಿವೃದ್ಧಿಪಡಿಸಿದ ಕೋವಿಡ್-19ನ ಲಸಿಕೆ ಸ್ಪುಟ್ನಿಕ್-ವಿ ಎಂಬುದಾಗಿದೆ.
• ಸ್ಪುಟ್ನಿಕ್-ವಿ ಲಸಿಕೆಯನ್ನು ಮುಂದಿನ ವಾರದಿಂದ ದೇಶದ ಮಾರುಕಟ್ಟೆಗೆ ಲಭ್ಯವಾಗುವ ಎಲ್ಲ ವ್ಯವಸ್ಥೆಗಳನ್ನು ಕೈಗೊಳ್ಳಲಾಗಿದೆ ಎಂದು ಕೇಂದ್ರಸರ್ಕಾರ ತಿಳಿಸಿದೆ.
• ‘ದಿ ಲ್ಯಾನ್ಸೆಟ್’ ಎಂಬ ವೈಜ್ಞಾನಿಕ ನಿಯತಕಾಲಿಕೆ ಪತ್ರಿಕೆಯ ವರದಿಯ ಪ್ರಕಾರ ರಷ್ಯಾ ಅಭಿವೃದ್ಧಿಪಡಿಸಿರುವ ಈ “ಸ್ಪುಟ್ನಿಕ್-ವಿ” ಲಸಿಕೆಯು ಎರಡು ಡೋಸ್‍ಗಳನ್ನು ಹೊಂದಿರಲಿದ್ದು, ಸದರಿ ಡೋಸ್‍ಗಳು ಕೋವಿಡ್-19 ವಿರುದ್ಧ ಹೋರಾಟ ನಡೆಸುವಲ್ಲಿ ಶೇ. 91.6 ರಷ್ಟು ಶಕ್ತ ಮತ್ತು ಪರಿಣಾಮಕಾರಿಯಾಗಿದೆ ಎಂದು ತಿಳಿಸಿದೆ.
• ಭಾರತದ ಲಸಿಕೆಗಳಾದ ಕೋವಿಶೀಲ್ಡ್ ಮತ್ತು ಕೋವ್ಯಾಕ್ಸಿನ್ ಲಸಿಕೆಗಳ ಅಲಭ್ಯತೆ ಅಂದರೆ ಕೊರತೆ ಕಂಡು ಬಂದಿದ್ದರಿಂದ ಭಾರತೀಯ ಔಷಧ ನಿಯಂತ್ರಣ ಮಂಡಳಿ (ಡಿಸಿಜಿಐ) ತುರ್ತು ಸಂದರ್ಭಗಳಲ್ಲಿ ರಷ್ಯಾದ ಲಸಿಕೆ ಸ್ಪುಟ್ನಿಕ್-ವಿ ಯನ್ನು ಬಳಸಲು ಅನುಮತಿ ನೀಡಿದೆ.
• ಭಾರತದಲ್ಲಿ ಸ್ಪುಟ್ನಿಕ್-ವಿ ಲಸಿಕೆ ಉತ್ಪಾದಿಸುವ ಜವಾಬ್ದಾರಿಯನ್ನು ಹೈದರಾಬಾದ್ ಮೂಲದ ರೆಡ್ಡೀಸ್ ಲ್ಯಾಬೋರೇಟರೀಸ್ ಕಂಪನಿ ಹೊತ್ತುಕೊಂಡಿದೆ.

ಡಿಸಿಜಿಐ ಬಗ್ಗೆ :

• ಡಿಸಿಜಿಐ : ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (ಭಾರತೀಯ ಔಷಧ ನಿಯಂತ್ರಣ ಮಂಡಳಿ)
• ಡಿಸಿಜಿಐ ಕೇಂದ್ರಸ್ಥಾನ : ನವದೆಹಲಿ
• ಪ್ರಸ್ತುತ ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ : ಡಾ.  ವೇಣುಗೋಪಾಲ್.ಜಿ. ಸೋಮಾನಿ
• ಇದು ಭಾರತದಲ್ಲಿ ಔಷಧಗಳ ಉತ್ಪಾದನೆ, ಆಮದು, ಮಾರಾಟ, ಮತ್ತು ವಿತರಣೆಗೆ ಮಾನದಂಡಗಳನ್ನು ರೂಪಿಸುತ್ತದೆ.

ಭಾರತದಲ್ಲಿರುವ ಕೋವಿಡ್-19 ಲಸಿಕೆಗಳ ಪಟ್ಟಿ ಇಲ್ಲಿದೆ

1. ಕೋವ್ಯಾಕ್ಸಿನ್: ಇದು 01 ಜನೆವರಿ 2021 ರಿಂದ ಬಳಕೆಯಲ್ಲಿದೆ. ಇದನ್ನು ಭಾರತ್ ಬೈಯೋಟೆಕ್ ಮತ್ತು ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ (ಐಸಿಎಮ್‍ಆರ್) ಸಹಯೋಗದೊಂದಿಗೆ ತಯಾರಿಸಲಾಗಿತ್ತು.

2. ಕೋವಿಶೀಲ್ಡ್ : Oxford – Astra Zeneca Vaccine  ನ ಅನುರೂಪವೇ ಈ ಕೋವಿಶೀಲ್ಡ್. ಇದು 03 ಜನೆವರಿ 2021 ರಿಂದ ಭಾರತದಲ್ಲಿ ಬಳಕೆಯಲ್ಲಿದೆ.

3. ಸ್ಪುಟ್ನಿಕ್-ವಿ : ಇದಕ್ಕೆ ಇತ್ತೀಚೆಗಷ್ಟೇ ಅಂದರೆ ದಿನಾಂಕ:12 ಏಪ್ರಿಲ್ 2021 ರಂದು ಅನುಮತಿ ದೊರೆತಿದ್ದು, ದಿನಾಂಕ:14-05-2021 ರಂದು ಪ್ರಯೋಗಾರ್ಥ ಹೈದರಾಬಾದ್‍ನ ಫಲಾನುಭವಿಯೊಬ್ಬರಿಗೆ ನೀಡಲಾಗಿದ್ದು, ಜೂನ್ ತಿಂಗಳಲ್ಲಿ ಬಳಕೆಗೆ ಲಭ್ಯವಾಗಲಿದೆ ಎನ್ನಲಾಗಿದೆ.

ಪ್ರಯೋಗಾರ್ಥ ಹಂತದಲ್ಲಿರುವ ಲಸಿಕೆಗಳ ಪಟ್ಟಿ ಹೀಗಿದೆ

1. ZyCoV-D  : ಇದನ್ನು ಅಹಮದಾಬಾದ್ ಮೂಲದ ಫಾರ್ಮಸಿ ಸಂಸ್ಥೆ Zydus Cadila  ಅಭಿವೃದ್ಧಿಪಡಿಸಿದೆ.
2. Bio E COVID-19
3. HGCO19
4. BBV154
5. Covovax

ಲಂಡನ್ನಿನಲ್ಲಿ ವಿಶ್ವಗುರು ಬಸವೇಶ್ವರ ಜಯಂತಿ ಆಚರಣೆ

• ಲಂಡನ್ ನ ಲ್ಯಾಂಬೆತ್ ನಗರದಲ್ಲಿರುವ ಬಸವೇಶ್ವರ ಫೌಂಡೇಶನ್ ಆಯೋಜಿಸಿದ್ದ ಬಸವಜಯಂತಿ ಕಾರ್ಯಕ್ರಮದಲ್ಲಿ ಭಾರತದ ಹೈಕಮಿಷನರ್ ಗಾಯತ್ರಿ ಇಸಾರ್ ಕುಮಾರ್ ಮತ್ತು ಡೆಪ್ಯೂಟಿ ಹೈಕಮಿಷನರ್ ಚರಣಜೀತ್ ಸಿಂಗ್ ಪುಷ್ಪನಮನ ಸಲ್ಲಿಸಿದರು.
• 14 ನವೆಂಬರ್ 2015 ರಂದು ಲಂಡನ್‍ನ ಲ್ಯಾಂಬೆತ್ ನಗರದಲ್ಲಿ ಪ್ರಧಾನಿ ಮೋದಿಯವರು ಜಗಜ್ಯೋತಿ ಬಸವೇಶ್ವರರ ಪುತ್ಥಳಿಯನ್ನು ಅನಾವರಣಗೊಳಿಸಿದ್ದರು.
• ಈ ಪುತ್ಥಳಿಯು ಲ್ಯಾಂಬೆತ್ ನಗರದ ಥೇಮ್ಸ್ ನದಿಯ ದಂಡೆಯ ಆಲ್ಬರ್ಟ್ ಎಂಬಾಕ್ ಮೆಂಟ್ ಪ್ರದೇಶದಲ್ಲಿದೆ.
• ಕಲಬುರಗಿ ಮೂಲದ ಕನ್ನಡಿಗ ಹಾಗೂ ಲ್ಯಾಂಬೆತ್ ನಗರದ ಮಾಜಿ ಮೇಯರ್ ಆಗಿದ್ದ ಡಾ. ನೀರಜ್ ಪಾಟೀಲ್ ಅವರ ಪರಿಶ್ರಮದ ಫಲವಾಗಿ ಇದನ್ನು ನಿರ್ಮಿಸಲಾಗಿದೆ.

ಅಕ್ಟೋಬರ್ ನವೆಂಬರ್‍ನಲ್ಲಿ ಟಿ20 ವಿಶ್ವಕಪ್?

• ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಆಡುವ ತಂಡಗಳ ಸಂಖ್ಯೆಯನ್ನು 16 ರಿಂದ 20 ಕ್ಕೆ ಏರಿಸಲಿ ಐಸಿಸಿ ಚಿಂತನೆ ನಡೆಸಿದೆ.
• ಬರುವ ಅಕ್ಟೋಬರ್-ನವೆಂಬರ್ ನಲ್ಲಿ ನಡೆಯುವ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ 16 ತಂಡಗಳು ಆಡಲಿವೆ.
• 2024 ರ ಟಿ20 ಆವೃತ್ತತಿಗೆ 4 ಹೊಸ ತಂಡಗಳನ್ನು ಹೊಸದಾಗಿ ಸೇರಿಸಲು ಐಸಿಸಿ ಚಿಂತನೆ ನಡೆಸಿದೆ.
• 2028 ಅಥವಾ 2032 ರ ಒಲಿಂಪಿಕ್ಸ್‌ ಗೆ ಕ್ರಿಕೆಟ್ ಆಟವನ್ನು ಸೇರಿಸುವ ನಿಟ್ಟಿನಲ್ಲಿ ಐಸಿಸಿ ಈ ಪ್ರಯತ್ನ ನಡೆಸುತ್ತಿದೆ ಎನ್ನಲಾಗಿದೆ.

3ನೇ ಬಾರಿ ನೇಪಾಳದ ಪ್ರಧಾನಿಯಾದ ಕೆ. ಪಿ. ಶರ್ಮಾ ಒಲಿ

• ಕಳೆದ ಕೆಲದಿನಗಳ ಹಿಂದಷ್ಟೇ ನೇಪಾಳ ಸಂಸತ್ತಿನಲ್ಲಿ ಬಹುಮತ ಸಾಬೀತುಪಡಿಸಲಾಗದೇ ಪ್ರಧಾನಿ ಹುದ್ದೆಯಿಂದ ಕೆಳಗಿಳಿದಿದ್ದ ಕೆ. ಪಿ. ಶರ್ಮಾ ಒಲಿ ಅವರು ಮತ್ತೆ ಪ್ರಧಾನಿಯಾಗಿ ಪ್ರಮಾಣವಚನ ಸ್ವೀಕರಿಸಿ, ಮೂರನೇ ಬಾರಿ ಪ್ರಧಾನಿ ಗದ್ದುಗೆಯನ್ನೇರಿದ್ದಾರೆ.
• ನೇಪಾಳದ ರಾಷ್ಟ್ರಪತಿ ವಿದ್ಯಾದೇವಿ ಭಂಡಾರಿ ಅವರು ಒಲಿ ಅವರಿಗೆ ಪ್ರಮಾನವಚನ ಬೋಧಿಸಿದರು.
• ದೇವರ ಹೆಸರಿನಲ್ಲಿ ಪ್ರಮಾಣ ವಚನ ಸ್ವೀಕರಿಸಲು ನಿರಾಕರಿಸಿದ ಒಲಿ, ದೇಶದ ಜನರ ಹೆಸರಿನಲ್ಲಿ ಪ್ರಮಾಣವಚನ ಸ್ವೀಕರಿಸಿದರು.
• 271 ಸದಸ್ಯ ಬಲದ ಸದನದಲ್ಲಿ 121 ಸದಸ್ಯರಿದ್ದು, ಸರಳ ಬಹುಮತಕ್ಕೆ 136 ಮತಗಳು ಬೇಕು.
• ನೇಪಾಳದಲ್ಲಿ ಹೊಸ ಸರ್ಕಾರವನ್ನು ರಚಿಸುವ ಸಂಬಂಧ ಬಹುಮತ ಸಾಬೀತುಪಡಿಸುವಲ್ಲಿ ವಿರೋಧ ಪಕ್ಷಗಳು ವಿಫಲವಾದ ನಂತರ ಕೆ. ಪಿ. ಶರ್ಮಾ ಒಲಿ ಅವರನ್ನೇ ಮತ್ತೊಮ್ಮೆ ನೇಪಾಳದ ಪ್ರಧಾನಿಯಾಗಿ ಗುರುವಾರ ಅಂದರೆ ದಿನಾಂಕ:13-05-2021 ರಂದು ನೇಮಕ ಮಾಡಲಾಗಿದೆ.
• ಶುಕ್ರವಾರ ದಿನಾಂಕ:14-05-2021 ರಂದು ಕೆ. ಪಿ. ಶರ್ಮಾ ಒಲಿ ಅವರಿಗೆ ಶೀತಲ್ ನಿವಾಸದಲ್ಲಿ ನೇಪಾಳದ ರಾಷ್ಟ್ರಪತಿಗಳಾದ ವಿದ್ಯಾದೇವಿ ಭಂಡಾರಿ ಅವರಿಂದ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ.
• ನಿಮಗೆ ಗೊತ್ತೆ: ಕೆ. ಪಿ. ಶರ್ಮಾ ಒಲಿ ಅವರ ಸರಕಾರ ಕಳೆದ ಸೋಮವಾರ ಅಂದರೆ ದಿನಾಂಕ:10-05-2021 ರಂದ ವಿಶ್ವಾಸಮತ ಸಾಬೀತು ಪಡಿಸಲು ಸಾಧ್ಯವಾಗದೇ ಅಧಿಕಾರದಿಂದ ಪದಚ್ಯುತ ಗೊಂಡಿತ್ತು. ಈಗ ಮತ್ತೆ ಅದೇ ಸರಕಾರ ಅಧಿಕಾರದ ಚುಕ್ಕಾಣಿ ಹಿಡಿದಿದೆ.

ನೇಪಾಳದ ಕುರಿತು :

• ನೇಪಾಳದ ರಾಜಧಾನಿ : ಕಠ್ಮಂಡು
• ನೇಪಾಳದ ಕರೆನ್ಸಿ: ನೇಪಾಳಿ ರೂಪಾಯಿ
• ನೇಪಾಳದ ಪ್ರಧಾನಮಂತ್ರಿ : ಕೆ. ಪಿ. ಶರ್ಮಾ ಒಲಿ
• ನೇಪಾಳದ ರಾಷ್ಟ್ರಪತಿ : ವಿದ್ಯಾದೇವಿ ಭಂಡಾರಿ

2019 & 2020 ನೇ ಸಾಲಿನ ಬಸವಶ್ರೀ ಪ್ರಶಸ್ತಿ ಪ್ರಕಟ

• ಚಿತ್ರದುರ್ಗದ ಮುರುಘಾಮಠ ನೀಡುವ ಪ್ರತಿಷ್ಟಿತ ಬಸವಶ್ರೀ ಪ್ರಶಸ್ತಿಯನ್ನು ಪ್ರಕಟಿಸಿದೆ.
• ಈ ಬಾರಿ 2019 ಮತ್ತು 2020 ನೇ ಸಾಲಿನ ಪ್ರಶಸ್ತಿಗಳನ್ನು ಒಟ್ಟಾಗಿ ಪ್ರಕಟಿಸಿದೆ.
• 2019 ನೇ ಸಾಲಿನ ಬಸವಶ್ರೀ ಪ್ರಶಸ್ತಿಗೆ ಭಾರತದ ಉತ್ಕøಷ್ಟ ಸರೋದ್ ವಾದಕರಾದ ಪಂಡಿತ್ ರಾಜೀವ್ ತಾರಾನಾಥ್ ಅವರು ಭಾಜನರಾಗಿದ್ದಾರೆ.
• 2020 ನೇ ಸಾಲಿನ ಬಸವಶ್ರೀ ಪ್ರಶಸ್ತಿಗೆ ಇಸ್ರೋದ ಮಾಜಿ ಅಧ್ಯಕ್ಷರಾದ ಡಾ. ಕಸ್ತೀರಿ ರಂಗನ್ ಅವರು ಆಯ್ಕೆಯಾಗಿದ್ದಾರೆ.
• ಮುರುಘಾಮಠದ ಬಸವಜಯಂತ್ಯುತ್ಸವದ ವೇಳೇ ಡಾ. ಶಿವಮೂರ್ತಿ ಮುರುಘಾ ಶರಣರು ಈ ಇಬ್ಬರ ಹೆಸರನ್ನು ಘೋಷಿಸಿದರು, ಕೊರೋನ ಹಿನ್ನೆಲೆಯಲ್ಲಿ ಈ ಪ್ರಶಸ್ತಿಗಳನ್ನು ಮುಂದಿನ ದಿನಗಳಲ್ಲಿ ವಿತರಿಸಲಾಗುವುದೆಂದು ತಿಳಿಸಿದ್ದಾರೆ.
• ಬಸವಶ್ರೀ ಪ್ರಶಸ್ತಿಯು 5 ಲಕ್ಷ ರೂ. ನಗದು ಮತ್ತು ಸ್ಮರಣಿಕೆಯನ್ನು ಒಳಗೊಂಡಿದೆ.

ಐರನ್ ಡೋಮ್

• ಇಸ್ರೇಲ್ ಮತ್ತು ಪ್ಯಾಲೇಸ್ತೀನಿನ ನಡುವಿನ ಬಿಕ್ಕಟ್ಟು ದಿನೇದಿನೇ ತೀವ್ರ ಸ್ವರೂಪ ಪಡೆದುಕೊಳ್ಳುತ್ತಿದೆ.
• ಪ್ಯಾಲೆಸ್ಟೇನ್ ಕ್ರೌರ್ಯವನ್ನು ಮಟ್ಟಹಾಕಲು ಇಸ್ರೇಲ್ ಕಂಡುಕೊಂಡ ಅತ್ಯಂತ ಪರಿಣಾಮಕಾರಿ ಅಸ್ತ್ರವೇ ಐರನ್ ಡೋಮ್.
• ಶತ್ರು ರಾಷ್ಟ್ರದ ರಾಕೆಟ್ ಮತ್ತು ಕ್ಷಿಪಣಿ ದಾಳಿಗಳನ್ನು ಪತ್ತೆಹಚ್ಚಿ ಅವುಗಳನ್ನು ನಿಷ್ಕ್ರಿಯಗೊಳಿಸುವ ಹಾಗೂ ವಿಮಾನ ಮೂಲಕ ನಡೆಸುವ ವೈಮಾನಿಕ ದಾಳಿಗೆ ಪ್ರತಿರೋಧ ವ್ಯವಸ್ಥೆಯೇ ಐರನ್ ಡೋಮ್.
• ಇಸ್ರೇಲ್ ನ ವಾಯು ರಕ್ಷಣಾ ವ್ಯವಸ್ಥೆಯೇ ಐರನ್ ಡೋಮ್
• ಇತ್ತೀಚೆಗೆ ಗಾಜಾದಿಂದ ಪ್ಯಾಲೆಸ್ತೀನ್ ಅರಬ್ಬರು ನಡೆಸಿದ ರಾಕೆಟ್ ದಾಳಿಯನ್ನು ಇಸ್ರೇಲ್‌ನ ವಾಯು ರಕ್ಷಣಾ ವ್ಯವಸ್ಥೆಯಾದ ಐರನ್ ಡೋಮ್ (ಕಬ್ಬಿಣದ ಕವಚ/ಗೋಪುರ) ಹಿಮ್ಮೆಟ್ಟಿಸಿದೆ.
• ಪ್ರಸ್ತುತ ಇಸ್ರೇಲ್ ನಲ್ಲಿ 10 ಐರನ್ ಡೋಮ್ ಬ್ಯಾಟರಿಗಳಿವೆ. ಕಳೆದ ಹತ್ತು ವರ್ಷಗಳಲ್ಲಿ 2400 ದಾಳಿಗಳಿಂದ ಇಸ್ರೇಲ್ ನ್ನು ಇವು ರಕ್ಷಿಸಿವೆ.
• ಪ್ರತಿ ಐರನ್ ಡೋಮ್ ಬ್ಯಾಟರಿ ಗೆ 50000 ಶತಕೋಟಿ ಡಾಲರ್ ವೆಚ್ಚವಾಗುತ್ತದೆ.
• 4-70 ಕಿ. ಮೀ ವರೆಗಿನ ದಾಳಿಯನ್ನು ಐರನ್ ಡೋಮ್ ಹಿಮ್ಮೆಟ್ಟಿಸುತ್ತದೆ.
• ಇಸ್ರೇಲ್ ನ ಏರೋಸ್ಪೇಸ್ ಇಂಡಸ್ಟ್ರೀಸ್ ಇದನ್ನು ಅಭಿವೃದ್ಧಿಗೊಳಿಸಿದೆ.
• 2011ರಲ್ಲಿ ನಿಯೋಜನೆಗೊಂಡಿದೆ.
• 2000 ಕ್ಕೂ ಹೆಚ್ಚು ದಾಳಿ ತಡೆಯಬಲ್ಲ ಐರನ ಡೋಮ್ ಶೇ. 90 ರಷ್ಟು ಪರಿಣಾಮಕಾರಿಯಾಗಿದೆ.
• ನಗರ ಪ್ರದೇಶಗಳ ಮೇಲೆ ಯಾವುದೇ ಬಗೆಯ ಹವಾಮಾನದಲ್ಲಿ ನಡೆಯಬಹುದಾದ ವೈಮಾನಿಕ ದಾಳಿಗಳನ್ನು ತಡೆಯುವಲ್ಲಿ ಸಮರ್ಥವಾಗಿದೆ.
• ಅಮೆರಿಕ ಸೇನೆಗೆ ಸಮನಾದ ರಕ್ಷಣಾ ವ್ಯವಸ್ಥೆಯನ್ನು ಹೊಂದಿದ ದೇಶ ಇಸ್ರೇಲ್.
• ಇಸ್ರೇಲ್ ನ ಈ ಅತ್ಯುತ್ತಮ ವಾಯು ರಕ್ಷಣಾ ವ್ಯವಸ್ಥೆಗೆ ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮಾ 2000 ಕೋಟಿ ರೂಪಾಯಿ ನೆರವು ನೀಡಿದ್ದರು.

ಕರ್ನಾಟಕದ 55.36  ಲಕ್ಷ ರೈತರ ಖಾತೆಗೆ 985.61 ಕೋಟಿ ರೂ.

• ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ಯೋಜನೆಯ ಎಂಟನೆಯ ಕಂತಿನ ಮೊತ್ತವನ್ನು ಪ್ರಧಾನಿ ಮೋದಿ ಅಕ್ಷಯ ತೃತೀಯ ದಿನದಂದು ಬಿಡುಗಡೆ ಮಾಡಿದ್ದಾರೆ.
• 2021-22 ನೇ ಸಾಲಿಗೆ ರಾಜ್ಯದ 55.36 ಲಕ್ಷ ರೈತರಿಗೆ 985.61 ಕೋಟಿ ರೂಪಾಯಿಗಳ ಸಹಾಯಧನ ಬಿಡುಗಡೆ ಮಾಡಲಾಗಿದೆ.
• 2019 ರಲ್ಲಿ ದೇಶದ ರೈತರ ಆದಾಯ ಹೆಚ್ಚಿಸುವ ಉದ್ದೇಶದಿಂದ ಪ್ರಧಾನಿ ನರೇಂದ್ರ ಮೋದಿ "ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ಯೋಜನೆ" ಯನ್ನು ಆರಂಭಿಸಿದ್ದರು.
• ದೇಶದ ಎಲ್ಲ ಅರ್ಹ ರೈತ ಕುಟುಂಬಗಳಿಗೆ ವರ್ಷಕ್ಕೆ 6000 ರೂ.ಗಳನ್ನು 3 ಕಂತುಗಳಲ್ಲಿ ಅಂದರೆ ಪ್ರತಿ ಕಂತಿನಲ್ಲಿ 2000 ರೂ. ನೀಡಲಾಗುತ್ತದೆ.

ತೌಖ್ತೇ ಚಂಡಮಾರುತ

• ತೌಖ್ತೇ Tauktae ಇದು ಮಧ್ಯ ಅರಬ್ಬೀ ಸಮುದ್ರದಲ್ಲಿ ಸೃಷ್ಟಿಯಾಗುತ್ತಿರುವ ಚಂಡಮಾರುತ.
• ಶನಿವಾರ ಮತ್ತು ರವಿವಾರ ಭಾರತದ ಪಶ್ಚಿಮ ಕರಾವಳಿಗೆ ಪ್ರಭಾಸ ಗಾಳಿಯೊಂದಿಗೆ ಅಪ್ಪಳಿಸಿ ಮಳೆ ತರುವ ಚಂಡಮಾರುತದ ಹೆಸರು ತೌಖ್ತೇ.
• ಈ ಚಂಡಮಾರುತಕ್ಕೆ ಮ್ಯಾನ್ಮಾರ್ ದೇಶವು ತೌಖ್ತೇ ಎಂಬ ಹೆಸರು ಸೂಚಿಸಿದೆ.
• ತೌಖ್ತೇ ಎಂದರೆ ಒಂದು ಜಾತಿಯ ಹಲ್ಲಿ.
• ಅರಬ್ಬಿ ಮತ್ತು ಬಂಗಾಳಕೊಲ್ಲಿಯಲ್ಲಿ ಹುಟ್ಟುವ ಚಂಡಮಾರುತಗಳಿಗೆ ಅವುಗಳ ಸುತ್ತ ಇರುವಂತಹ 13 ರಾಷ್ಟ್ರಗಳು ಹೆಸರನ್ನು ಸೂಚಿಸುತ್ತದೆ ಈ ಹೆಸರುಗಳನ್ನು ಮೊದಲೇ ಸೂಚಿಸಲಾಗಿರುತ್ತದೆ.
• ಕಳೆದ ವರ್ಷ ಪ್ರತಿ ರಾಷ್ಟ್ರ ನೀಡಿದ 13 ಹೆಸರುಗಳಲ್ಲಿ ಒಟ್ಟು 169 ಹೊಸ ಹೆಸರುಗಳನ್ನು 'ಇಂಡಿಯನ್ ಮೆಟ್ರೋಲಾಜಿಕಲ್ ವಿಭಾಗ' ಬಿಡುಗಡೆ ಮಾಡಿದೆ.
• ಈ ಪಟ್ಟಿಯಲ್ಲಿ ಕ್ರಮವಾಗಿ 13 ರಾಷ್ಟ್ರಗಳು ಸೂಚಿಸಿದ ಹೆಸರುಗಳು ಬರುತ್ತವೆ. ಹಾಗೆಯೇ ಚಂಡಮಾರುತ್ತಕ್ಕೆ ಮ್ಯಾನ್ಮಾರ್ ನೀಡಿದ ತೌಖ್ತೇ ಎಂಬ ಹೆಸರು ಇಡಲಾಗಿದೆ.
• ಈ ಚಂಡಮಾರುತದ ನಂತರ ಬರುವ ಚಂಡಮಾರುತಕ್ಕೆ 'ಯಾಸ್' ಎಂಬ ಹೆಸರು ಇಡಲಾಗಿದೆ. ಇದನ್ನು ಒಮಾನ್ ದೇಶದವರು ಸೂಚಿಸಿದ್ದಾರೆ.
• ತೌಖ್ತೇ ಚಂಡಮಾರುತ ಭಾರತದ ನೈರುತ್ಯದಲ್ಲಿ ಹುಟ್ಟಿ ಪೂರ್ವದ ಕಡೆಗೆ ಬರುತ್ತದೆ ಅಂದರೆ ನಮ್ಮ ಪಶ್ಚಿಮ ಕರಾವಳಿ ಕಡೆಗೆ ಬರುತ್ತದೆ.
• ಇದು ಮಧ್ಯ ಅರಬ್ಬೀ ಸಮುದ್ರದಲ್ಲಿ ಮೊದಲು ಹುಟ್ಟುತ್ತದೆ.
• ಚಂಡಮಾರುತ ಎಂದರೇನು: ಸಮುದ್ರದಲ್ಲಿ ಒಂದು ಕಡೆ ನಿಮ್ನ ಒತ್ತಡ ಸೃಷ್ಟಿಯಾಗಿ ಸುತ್ತಲಿಂದಲೂ ಅಲ್ಲಿದೆ ಗಾಳಿ ನುಗ್ಗುವುದು. ಆ ಗಾಳಿ‌ ನೇರವಾಗಿ ನುಗ್ಗದೇ ಸುರಳಿ ಆಕಾರದಲ್ಲಿ ಸುತ್ತುತ್ತ, ಮೋಡಗಳನ್ನು ಹೊತ್ತುಕೊಂಡು ಕೆಲವೇ ಗಂಟೆಗಳಲ್ಲಿ ಅತೀ ಪ್ರಬಲ ಶಕ್ತಿಪಡೆದು, ಧಾರಾಕಾರ ಮಳೆ ಮತ್ತು ಬಿರುಗಾಳಿಯೊಂದಿಗೆ ಸಮುದ್ರ ತೀರಕ್ಕೆ ಅಪ್ಪಳಿಸಿ, ಅವಾಂತರ ಉಂಟು ಮಾಡುತ್ತವೆ.
• ತೌಖ್ತೇ ಚಂಡಮಾರುತವು 175 ಕಿ. ಮೀ. ವೇಗದಲ್ಲಿ ಗಾಳಿ ಬೀಸಲಿದೆ.
• ಈ ಚಂಡಮಾರುತದಿಂದಾಗಿ ಕೇರಳ ತಮಿಳುನಾಡು ಕರ್ನಾಟಕ ಗೋವಾ ಗುಜರಾತ್ ರಾಜ್ಯಗಳಿಗೆ ಭೀತಿ ಇದೆ.